«Ղարաբաղյան շարժումը շրջադարձային նշանակություն ունեցավ». Գեղամ Մանուկյանն ընթերցեց Նիկոլ Փաշինյանի նախկին ուղերձները
Ազգային ժողովում «Հայաստան» խմբակցության պատգամավոր Գեղամ Մանուկյանը պատասխանեց Նիկոլ Փաշինյանի հայտարարությանը, թե «մենք չպետք է Ղարաբաղյան շարժումը շարունակենք»:

Դեռ 21 թ-ին Ստալինը, Բաղիրովը, Բերիան, Նուրիջանյանն էին ասում, որ Ղարաբաղյան շարժում չպետք է լինի: Հետո Սուսլովը, Կևորկովն էին ասումչպետք է լինի, Էլչիբեյը, Մութալիբովը: Էսպես ասում էին, բայց Ղարաբաղյան շարժումը կա: Ես մինչև հարցիս պատրաստվելը փորձեցի նոթագրել ինչ է Ղարաբաղյան շարժումը:
«Ղարաբաղյան շարժումը շրջադարձային նշանակություն ունեցավ հայ ժողովրդի հետագա պատմության համար: Հայաստանում և Արցախում ձևավորված համաժողովրդական շարժումը բացառիկ է, խորապես ազգային և ժողովրդավար: Այն մեր պետականության վերականգնման առաջին քայլը հանդիսացավ, որով վերագտանք ազատ և անկախ ապրելու, մեր ճակատագիրը կերտելու, մեր ապագան տնօրինելու վճռականությունը: Փետրվարյան շարժումը հայոց վերազարթոնքի մի բացառիկ օրինակ էր, մենք վերագտանք մեր ազգային միասնությունը»:
Ճիշտն ասածչէի հասցնի էդքան գրեի, դրա համար Նիկոլ Փաշինյանի 2019 և 2022 թթ. ուղերձների մեջբերում էր»: