«Մենք խաղաղություն ենք ուզում բոլորի հետ, ովքեր իսկապես խաղաղություն են ցանկանում մեզ հետ»․ Նեթանյահու
Մերձավոր Արևելքում իրադարձությունները վերածվել են «շղթայական ռեակցիայի»՝ իրանական ռեժիմի «ահաբեկչության առանցքի» դեմ Իսրայելի գործողությունների հետևանքով, ասել է Իսրայելի վարչապետ Բենիամին Նեթանյահուն՝ Իրանի ժողովրդին ուղղված տեսաուղերձում, որը հրապարակել է իր գրասենյակը։
Նեթանյահուն նշել է Իրանի աջակցությունը լիբանանյան Հեզբոլլահին, պաղեստինյան ՀԱՄԱՍ իսլամիստական շարժմանը, ինչպես նաև Սիրիայի նախկին նախագահ Բաշար ալ-Ասադի վարչակարգին։
«Ուզում եմ հստակեցնել. Իսրայելը խաղաղություն է ուզում: Մենք խաղաղություն ենք ուզում բոլորի հետ, ովքեր իսկապես խաղաղություն են ցանկանում մեզ հետ: Իսրայելը միայն ցանկանում է պաշտպանել իր պետությունը, միևնույն ժամանակ մենք քաղաքակրթությունը պաշտպանում ենք բարբարոսությունից»,- ասել է նա։
«Մենք խաղաղություն ենք ուզում բոլորի հետ, ովքեր իսկապես խաղաղություն են ցանկանում մեզ հետ»․ Նեթանյահու
