ԱՄՆ քոնգրեսականը կոչ է արել պատժամիջոցներ սահմանել Ադրբեջանի դեմ
ԱՄՆ քոնգրեսական Դինա Տիտուսը կոչ է արել պատժամիջոցներ սահմանել Ադրբեջանի դեմ՝ արցախահայերի բռնի տեղահանման համար:
«Կոչ եմ անում պետքարտուղար Մարկո Ռուբիոյին՝ դիտարկել Մագնիտսկու օրենքով պատժամիջոցներ սահմանելու հնարավորությունը՝ ի պատասխան Ադրբեջանի կողմից բռնի տեղահանման ենթարկված Արցախի հայ բնակչության նկատմամբ անարդար գործողությունների»։ Այս մասին X-ում գրել է ԱՄն քոնգրեսականը։
«Ես հավատարիմ եմ ԱՄՆ քաղաքականությանը, որը առաջնահերթություն է տալիս հաշվետվողականությանը, արդարությանը և անվտանգությանը»,- հավելել է նա։