«Ասում են՝ պարոն Փաշինյան, քեզ լսեցինք, բիզնես դրինք, տակ տվինք»․ Նիկոլ Փաշինյան
«Մեր հանրության մեջ մինչև վերջ ընկալված չի, որ վարկ վերցնելը ռիսկ է ու պատասխանատվություն»,- այսօր կառավարության նիստի ժամանակ ասաց Նիկոլ Փաշինյանը՝ խոսելով փողի նկատմամաբ «վերաբերմունքի» մասին։ «Օրը մի 20-30 նամակ եմ ստանում, որով մարդիկ ասում են՝ վարկ ենք վերցրել, չենք կարողանում տալ, օգնեք փակենք։ Սա անընդունելի խոսակցություն է»,- ասաց Փաշինյանը՝ շարունակելով․ «Գրում, ասում են՝ պարոն վարչապետ, 2018-19 թվականներին ասեցիք՝ բիզնես դրեք․ աշխատեք, քեզ լսեցի բիզնես դրեցի, տակ եմ տվել, բա հիմա ի՞նչ ես ասում»,- ասաց Փաշինյանը՝ նման ընկալումը համարելով անընդունելի։