«Ի՞նչ է ստեղծված իրավիճակում անում կապիտուլյանտների ոհմակը». Տիգրան Աբրահամյան
ԱԺ «Պատիվ ունեմ» խմբակցության պատգամավոր Տիգրան Աբրահամյանի ֆեյսբուքյան գրառումը․ «Երբ իշխանական մունետիկները փորձում են սոցիալական տարբեր ծրագրերն արցախցիների վրա որպես լավություն «ծախել», իսկ նրանցսեփական օջախներ վերադառնալու ցանկությունը որպես «թշնամական գործողություն» կամ «պատերազմի հրահրում» ներկայացնել, սա ինքնին ցույց է տալիս սրանց բարոյական բնութագիրն ու քաղաքական տհասությունը:
Մարդիկ մինչև ձեր իշխանության գալն ապրում էին Արցախում, իրենց տներում, աշխատում էին, բարիք ստեղծում:
Հիմա ձեր իշխանության հետևանքն այն է, որ նախ պատերազմ ստացանք, հետո պարտվեցինք, Քաշաթաղի, Քարվաճառի, Աղդամի շրջանները հանձնվեցին, հետո բլոկադա եղավ, իսկ վերջում Արցախի նկատմամբ նոր ագրեսիա եղավ և մարդիկ բռնի տեղահանվեցին:
Ի՞նչ է ստեղծված իրավիճակում անում կապիտուլյանտների ոհմակը. թիրախավորում է իր քաղաքականությունից ամենաշատը տուժած և էթնիկ զտման ենթարկված մեր հայրենակիցներին և փորձում նրանց իրավունքների պաշտպանության ու վերականգնման պայքարը որպես անվտանգության սպառնալիք ներկայացնել:
Սա պաշտոնական անփութություն չէ, տգիտություն չէ, սա կոնկրետ ոճիր է սեփական ժողովրդի դեմ»:
«Ի՞նչ է ստեղծված իրավիճակում անում կապիտուլյանտների ոհմակը». Տիգրան Աբրահամյան
