«Արցախցու ներկայիս պահվածքը հուսահատության վերջին ճիչն է». Մետաքսե Հակոբյան
«Արցախցու ներկայիս պահվածքը իրականում հուսահատության վերջին ճիչն է: Իրականում անհնար է այսպես նվաստացած քո հայրենիքի մյուս հատվածում ապրել»,- Ազատության հրապարակում ի պաշտպանություն արցախցիների իրավունքների հանրահավաքի ժամանակ ասաց Արցախի ԱԺ պատգամավոր Մետաքսե Հակոբյանը: Նրա դիտարկմամբ՝ ՀՀ իշխանություններն արցախցիներին այստեղ դիտարկում են որպես կարիք ունեցող մարդկանց, որոնց «տվել են, տվել են» ու այլևս բավական է տան, բայց արցախցիների պահանջները չեն տեղավորվում փող ուզելու մեջ: Հակոբյանի խոսքով՝ օրակարգային գլխավոր հարցերից մեկը պետք է լինի արցախցիների իրավունքների պաշտպանությունը՝ վերադարձ իրենց բնօրրան: «ՀՀ իշխանությունները պարտավոր են արցախցիներին ապահովել արժանապատիվ կեցությամբ, մինչ մեր հարցի լուծումը՝ արցախցիների հավաքական վերադարձը իրենց բնօրրան»,- ընդգծեց Հակոբյանը: