«Արցախը բացառապես Ռուսաստանի պատասխանատվությանն էր մնացել». Գոռ Աբրահամյան
Քննչական կոմիտեի նախագահի նախկին մամուլի քարտուղար Գոռ Աբրահամյանի ֆեյսբուքյան գրառումը․ «Եթե չեք հասկացել, որ Արցախն Ադրբեջանին է թողնվել (ոչ թե հանձնվել, ամոթ էտղերքի ինքնազոհաբերումը մի արժեզրկեք) 44-օրյա պատերազմի, այլ ոչ թե ինչ-որ հայտարարության հետևանքով, նշանակում է ոչ պատերազմից եք բան հասկացել, ոչ էլ կարողացել եք իրողությունների սթափ ու ռացիոնալ վերլուծություն կատարել։
Արցախը բացառապես Ռուսաստանի պատասխանատվությանն էր մնացել պատերազմի դաժան արդյունքների և նոյեմբերի 9-ի եռակողմ հայտարարության հիման վրա։
Ու այդ ֆոնին Արցախի կորուստը Պրահայի հայտարարությամբ պայմանվորելը կամ ռուս-բելառուսական այդ նարատիվը պաշտպանելը այլ բան չի նշանակում, քան լվանալ Ռուսաստանի ու ՀԱՊԿ-ի երեսը, արդարացնել Արցախի հայաթափումը Ռուսաստանի կողմից թույլ տալը և արդարացնել մինչ պատերազմական շրջանում Ռուսաստանի ու Բելառուսի կողմից Ադրբեջանին զինելը»։
«Արցախը բացառապես Ռուսաստանի պատասխանատվությանն էր մնացել». Գոռ Աբրահամյան
