Թուրքիայում ընդդիմությունն արդեն հավաքել է 10 միլիոն ստորագրություն` արտահերթ ընտրություններ անցկացնելու պահանջով
Թուրքիայի ընդդիմությունը հայտնում է, որ ստորագրություններ են հավաքվել ընտրությունների անցկացման համար
Թուրքիայի ամենամեծ ընդդիմադիր Ժողովրդահանրապետական ​​կուսակցությունը (CHP) հայտնել է, որ հավաքել է ավելի քան 10 միլիոն ստորագրություն իր կողմնակիցներից՝ արտահերթ նախագահական ընտրություններ անցկացնելու և Ստամբուլի բանտարկված քաղաքապետ Էքրեմ Իմամօղլուին ազատ արձակելու պահանջով։
Ստորագրությունների արշավն սկսվել է մարտի վերջին: Մասնակիցները պահանջում էին արտահերթ նախագահական ընտրություններ և Իմամօղլուի ազատ արձակում: «Քարոզարշավի շրջանակներում մենք արդեն հավաքել ենք ավելի քան 10 միլիոն ստորագրություն»,- Halk TV-ին ասել է կուսակցության Ստամբուլի մասնաճյուղի ղեկավար Օզգուր Չելիքը։
Թուրքիայի իշխանությունները բազմիցս հայտարարել են, որ արտահերթ ընտրությունների հարց օրակարգում չկա. հաջորդ նախագահական ընտրությունները նշանակված են 2028 թվականի գարնանը։ CHP-ն նախատեսում է հավաքել շուրջ 28 միլիոն ստորագրություն՝ այնքան, որքան ձայն է հավաքել ներկայիս նախագահ Ռեջեփ Թայիփ Էրդողանը վերջին ընտրություններում։